Bollivudning afsonaviy xonandasi Asha Bhosle 2026-yil 12-aprel kunida 92 yoshida vafot etdi.
Oila a’zolari ma’lumotiga ko‘ra, u Mumbaydagi shifoxonada “juda kuchli charchoq” va ko‘krak infektsiyasi sababli davolanayotgan paytda vafot etgan. Bosh vazir Narendra Modi uning vafoti munosabati bilan chuqur qayg‘uda ekanini bildirdi. Prezident Draupadi Murmu esa bu yo‘qotishni “musiqa ixlosmandlari uchun qaytarib bo‘lmas yo‘qotish” deb atadi.
1933-yil 8-sentyabrda tug‘ilgan Bhosle 70 yildan ortiq ijodiy faoliyati davomida bir necha hind tillarida 12 mingdan ortiq qo‘shiq ijro etgan.
U yoshligidan musiqa bilan shug‘ullangan va juda erta ijodiy yo‘lga kirgan. Uning oilasi ham san’at bilan bog‘liq bo‘lib, bu uning professional yo‘lini shakllantirishda muhim rol o‘ynagan. U o‘zining mashhur opasi, 2022-yilda vafot etgan Lata Mangeshkardan alohida yo‘l tanlab, mustaqil ijodiy maktab yaratgan.
Marhuma xonanda “Alibobo va qirq qaroqchi”, “Zita va Gita”, “Bobbi”, “Krishna”, “Karvon” kabi yuzlab filmlar uchun sountrek yaratgan. U jahon rekordlar kitobiga eng ko‘p qo‘shiq yozgan xonanda sifatida kiritilgan. U nafaqat hind, balki dunyoning 20 dan ortiq tillarida, jumladan, rus va boshqa tillarda ham qo‘shiqlar kuylagan.
