Gavayi orollarida kuchli yomg‘irlar yog‘ib, jiddiy suv toshqinlariga sabab bo‘ldi. Aktyor Jeyson Momoa oilasi bilan birga orolning shimoliy qirg‘og‘idagi uyini shoshilinch tark etishga majbur bo‘ldi.
Aktyor ijtimoiy tarmoqlarda murojaat qilib, o‘zlari xavfsiz ekanini aytdi, ammo atrofdagi vayronagarchiliklarni “aqldan ozdiradigan darajada” deb ta’rifladi. Kuchli yomg‘irlar tufayli mahalliy dambada suv sathi juda tez ko‘tarilgan.
Mutaxassislar 120 yillik dambaning yorilib ketish xavfi borligini ogohlantirmoqda — suv darajasi kritik nuqtaga yetishiga ikki metrdan ham kam qolgan. Bir nechta orollarda yakshanbagacha suv toshqini bo‘yicha ogohlantirish amal qilmoqda.
Tabiiy ofat sabab Momoa o‘zining musiqiy konsertini ham bekor qilishga majbur bo‘ldi. Aktyor uy-joysiz qolgan mahalliy aholi uchun xavotir bildirib, odamlarni bir-biriga yordam berishga chaqirdi. Eslatib o‘tamiz, yaqinda Jeyson Momoa “Taxtlar o‘yini”dagi hamkasbi Emili Klark bilan uchrashib, muxlislarni xursand qilgan edi. Ular serialdagi mashhur obrazlari — Xala Drogo va Deyenis Targaryen sifatida yana birga suratga tushishgan.
