29-avgust kuni 20:00 da Tashkent City bog‘ida Maykl Jekson tavallud kuniga bag‘ishlangan yorqin shou bo‘lib o‘tadi.
O‘zbekiston rasmiy fan-klubi ko‘magida sahnada ijrochilar-dublyorlar chiqish qiladilar va tomoshabinlar buyuk san’atkorning eng mashhur xitlaridan bahramand bo‘lishlari mumkin bo‘ladi. Kirish mutlaqo bepul.
Ma’lumot oʻrnida, Maykl Jozef Jekson (1958-yil 29-avgust – 2009-yil 25-iyun) — amerikalik qo‘shiqchi, raqqos, bastakor, produser va aktyor. U “Pop qiroli” sifatida tanilgan va XX asrning eng mashhur hamda ta’sirchan san’atkorlaridan biridir.
“Jackson 5” guruhida faoliyatini boshlagan (aka-ukalari bilan birga).
1970-yillardan boshlab yakkaxon sifatida chiqa boshladi. 1982-yilda chiqqan “Thriller” albomi musiqiy tarixda eng ko‘p sotilgan albom bo‘lib qolmoqda.
“Billie Jean”, “Beat It”, “Smooth Criminal”, “Black or White”, “Earth Song” kabi qo‘shiqlari dunyo bo‘ylab millionlab muxlislar qalbidan joy oldi.
Kliplari orqali musiqiy videoni yangi san’at darajasiga olib chiqdi.
15 martta “Grammy” sovrindori. Ginnesning bir nechta rekordlariga ega. Butun faoliyati davomida 350 milliondan ortiq albom sotilgan.
Maykl Jekson 2009-yil 25-iyunda 50 yoshida vafot etdi. Uning musiqasi, raqsi va insonparvarlik faoliyati hanuzgacha butun dunyo bo‘ylab millionlab odamlarga ilhom bag‘ishlaydi.
