Internetdagi xabarlarga ko‘ra, Usmon (Burak O‘zchivit)ning o‘g‘li rolini ijro etadigan aktyor hamon topilmagan. Ammo insayderlarning aytishicha, eng katta imkoniyat Afra Sarachog‘luning sobiq sevgilisi — Mert Yazjijo‘g‘luga tegishli.
Olti yil davomida eng ko‘p tomosha qilingan turk loyihalaridan biri bo‘lgan “Usmon: Asos soluvchi” seriali rasman o‘z nihoyasiga yetadi. Burak O‘zchivit esa nafaqat ijtimoiy tarmoqlardagi xayrlashuv posti, balki soqolini olish orqali ham bosh rolga qaytmasligini ochiq-oydin tasdiqladi.
Demak, yettinchi mavsumda tomoshabinlarni Usmonning o‘g‘li Orhonning sarguzashtlari kutmoqda. U otasining ishini davom ettiradi. Hozircha rolni kim o‘ynashi aniqlanmagan, biroq kasting jamoasi allaqachon o‘z favoritini topgandek. U — “Qizil g‘unchalar” serialidagi dramatik roli bilan tanilgan Mert Yazjidjo‘g‘lu.
Ayni paytga qadar aktyorning agentligi, o‘zi yoki tarixiy sahnani davom ettiradigan prodyuserlik kompaniyasi tomonidan rasmiy tasdiq berilmadi.
