HBO tomonidan tayyorlanayotgan “Garri Potter” nomli rasmiy TV serialining birinchi treyleri ommaga taqdim etildi. Usta yozuvchi J. K. Roulingning mashhur sehrli kitoblari asosida yaratilgan ushbu serial kinodan keyin yana televizorda qayta jonlanmoqda.
Treylerda Hogvarts sehrli maktabi, tanish sahnalar hamda yangi aktyorlar bilan ijro etilgan sehrli onlar namoyish qilindi, bu esa muxlislar orasida katta qiziqish uyg‘otdi.
Serialning birinchi mavsumi “Harry Potter and the Philosopher’s Stone” (Garri Potter va hikmatlar toshi) kitobi asosida ishlangan.
Serial HBO va HBO Max platformalarida 2026‑yilning Rojdestvo kuni (25‑dekabr) namoyish etilishi rejalashtirilgan
Yangi treyler mashhurlar va muxlislar orasida ijobiy va keskin munozaralarga sabab bo‘lmoqda — kimdir uni nostaljik va juda yaxshi deb baholasa, boshqalar musiqasi yoki uslubi haqida turlicha fikrlar bildirmoqda.
