2025-yilgi MTV Video Music Awards marosimi tarixiy lahzalarga boy bo‘ldi. Mashhur K-pop guruhining a’zosi BLACKPINK ROSE ilk bor bu mukofotda “Song of the Year” (Yil qo‘shig‘i) nominatsiyasida g‘olib bo‘ldi. U bu yutuqqa Bruno Mars bilan hamkorlikda yaratgan “APT.” qo‘shig‘i orqali erishdi.
Mukofotni qabul qilib olar ekan, ROSÉ hayajonini yashirmay: “Men bunga ishonolmayapman. Bu yutuq nafaqat meniki, balki Bruno, BLACKPINK a’zolari va biz bilan birga ishlagan produser Teddy’niki hamdir,” deya samimiy minnatdorchilik so‘zlarini bildirdi.
Bu yilgi marosim ROSE uchun yanada o‘zgacha ahamiyatga ega bo‘ldi. Chunki u 8 ta nominatsiya bo‘yicha MTV VMA’da nomzod etib ko‘rsatildi. Bu natija K-pop artistlari orasida mutlaq rekord hisoblanadi.
ROSE’ning ushbu muvaffaqiyati K-pop tarixida yangi sahifa ochib, uning global musiqadagi ta’sirini yanada mustahkamladi.
