Sankt-Peterburg shahrida VI Xalqaro kinofestival – Lendoc Film Festival bo‘lib o‘tdi. Unda Belarus, Qozog‘iston, Qirg‘iziston, Tojikiston, Turkmaniston, O‘zbekiston rejissyorlari suratga olgan filmlar, shuningdek, Yevropa va Hindistondan kelgan mehmonlar ishtirok etdilar.
Hamyurtimiz rejissyor Ayyub Shahobiddinovning “Bahorni quvib” filmi tanlov dasturiga kiritilib, badiiy filmlar yo‘nalishida ikki yirik mukofotga sazovor bo‘ldi.
Festival g‘oliblari:
Eng yaxshi film — Elizium”, rejissyor Pradip Kurba
Eng yaxshi rejissura — “Evakuatsiya”, rejissyor Farhat Sharipov
Eng yaxshi erkak roli — Abilay Marat / Omurbek Israilov (“Chegaradagi kelishuv”)
Eng yaxshi ssenariy — Erkin Azamov (“Bahorni quvib”)
Eng yaxshi ayol roli — Ra’no Shodiyeva (“Bahorni quvib”)
Lendoc Film Festival (LEFF) — bu nafaqat film namoyishlari, balki turli mamlakatlar ijodkorlarini birlashtiruvchi, madaniy muloqot maydoni va kinomotografiya kelajagi haqida umumiy g‘oyalarni ilgari suradigan muhim platforma hamdir.
