Universal Pictures Londonda o‘tgan “Odisseya” filmining jahon premyerasi uchun Troya otining ulkan nusxasini namoyish etdi. Ma’lumotlarga ko‘ra, ushbu Troya otining og‘irligi taxminan 3 992 kilogrammni va balandligi esa 11 metrni tashkil etadi. Mazkur mahobatli dekoratsiya tadbirning eng diqqatga sazovor reklama elementi bo‘lib, ko‘plab mashhur mehmonlar e’tiborini o‘ziga qaratdi. Polistirol, po‘lat va shisha tolali materiallardan tayyorlangan maket 45 nafar mutaxassis tomonidan 288 soat davomida barpo etilgan.
Leicester Square va Trafalgar Square maydonlarida namoyish etilgan ulkan Troya oti keyinchalik AQSH bo‘ylab sayohat qilishi rejalashtirilgan. Nyu-York hamda boshqa shaharlardagi ko‘rgazmalar orqali ushbu loyiha film targ‘ibotining markaziy ramzlaridan biriga aylanishi kutilmoqda.
