Aktrisa Nikol Kidman San-Fransisko unversitetidagi chiqishi davomida o‘lim doulasi — ya’ni vafot etayotgan inson va uning yaqinlariga emotsional yordam ko‘rsatadigan mutaxassis bo‘lishni o‘rganayotganini ma’lum qildi.
Bu g‘oya unga 2024-yilda 84 yoshida vafot etgan onasining o‘limidan so‘ng kelgan.
“Onam vafot etayotganida o‘zini yolg‘iz his qilgan, biz esa oila sifatida faqat cheklangan darajada yordam bera oldik. Singlim bilan ikkalamizning ham ko‘p farzandlarimiz, ishimiz va faoliyatimiz bor edi, lekin biz unga g‘amxo‘rlik qilishni xohlardik, chunki otamiz allaqachon vafot etgandi. Shunda o‘yladim: ‘Afsuski, dunyoda shunchaki yonida bo‘lib, tasalli va mehr bera oladigan insonlar yetarli emas ekan’,” — dedi Kidman.
Aktrisaning yaqinlashib kelayotgan loyihalari orasida “Scarpetta” (“Poyabzal”) seriali ham bor. U Patrisia Kornuellning shu nomdagi detektiv romanlari asosida suratga olingan. Premyerasi Prime Video platformasida 11-mart kuni bo‘lib o‘tgan.
Kidman serialda sud-tibbiyot eksperti rolini ijro etadi — u tergov jarayonida zamonaviy kriminalistik texnologiyalardan foydalanadi. Rolga tayyorlanish jarayonida aktrisa haqiqiy sud-tibbiyot mutaxassisi bilan muloqot qilgan, obrazni yanada ishonchli qilish uchun hatto autopsiya (jasadni tekshirish) o‘tkazishni ham o‘rgangan.
