Yaponiyaning Osaka shahrida o‘tkazilgan “Expo 2025” butunjahon ko‘rgazmasi doirasida O‘zbekiston Milliy kuni keng nishonlandi.
Madaniyat Vazirligi matbuot xizmati xabar berishicha, milliy kun doirasida mehmonlarga o‘zbek xalqining betakror madaniyati va san’ati namoyish etildi. Farg‘ona, buxorocha, lazgi va boshqa milliy raqslar, kuy-qo‘shiqlar ijro etilgan konsert dasturi yuksak bayramona kayfiyat bag‘ishladi. Karnay-surnay sadolari, milliy cholg‘ularning chiqishlari marosimga yanada ulug‘vorlik baxsh etdi.
O‘zbekiston milliy raqs san’atining eng yorqin namunalarini taqdim etishda Mukarrama Turg‘unboyeva nomidagi “Bahor” davlat raqs ansambli alohida o‘rin tutdi. Ansamblning sahnadagi chiqishlari milliy raqs san’atining go‘zalligi, nafisligi va zamonaviy jilo kasb etgan an’analarini yuksak darajada namoyish etdi.
