Dunyoning eng nufuzli moda tadbiri — “Met Gala” ning 2026-yilgi o‘tkazilish tafsilotlari e’lon qilindi. Bu yil ham moda, san’at va mashhurlarning uchrashuvi tomoshabinlarni hayratda qoldiradi. Tadbir 2026-yil 4-may kuniga belgilangan.
Bu yili Met Gala “Costume Art” — ya’ni Kostyum san’ati mavzusiga bag‘ishlangan. Ushbu tema The Metropolitan Museum of Art’ning Costume Institute ko‘rgazmasi bilan chambarchas bog‘liq bo‘lib, kiyim va inson silueti o‘rtasidagi ijodiy aloqani o‘rganadi.
Bosh qo‘mita raislari:
🔸 Beyonse— mashhur qo‘shiqchi va moda ikonkasi, Met Gala’da so‘nggi marta 2016-yilda qatnashgandi va bu 10 yildan so‘ng birinchi ishtiroki bo‘ladi.
🔸 Nikol Kidman — aktrisa va moda doimiy ishtirokchisi.
🔸 Venus Uilliams — tennis yulduzi va moda sahnasida tanilgan shaxs.
🔸 Anna Vintur — Vogue global ijodiy direktori va Met Gala’ning uzoq yillik bosh tashkilotchisi.
Qo‘shimcha mezbonlar: Dizayner Antony Vakkarello va aktrisa Zoe Kravitz gala mezbon qo‘mitasini boshqaradi. Komitet tarkibida pop yulduzlari va moda shaxsiyati sifatida
Sabrina Karpenter, Doja Ket, LISA (BLACKPINK), Misti Kopeland, Elizabet Debiki, Sam Smit va boshqalar bo‘ladi.
– Ko‘rgazma haqida: “Costume Art” ko‘rgazmasi moda va san’atni birlashtiradi — Metropolitan Museum’ning yangi Condé M. Nast galereyasida 5 000 yillik tarixdan olingan kiyim va san’at asarlari birgalikda namoyish etiladi.
– Ko‘rgazma ochilishi: Gala tadbiridan so‘ng — 2026-yil 10-mayda ochiladi va 10-yanvargacha davom etadi.
– “Dress code” Hozircha rasmiy e’lon qilinmagan, lekin mavzu asosida kreativ, san’atiy va tematik elementlarga ega liboslar kutilmoqda.
“Met Gala – 2026” moda va san’at ixlosmandlari uchun shu kungacha eng katta voqealardan biri bo‘lishi kutilmoqda — Beyonsening qaytishi, yulduzli bosh qo‘mita va tematik “Costume Art” ko‘rgazmasi bu tadbirni yanada esda qolarli qiladi.
