Maykl Jekson muxlislari uchun ajoyib yangilik. Lionsgate kinokompaniyasi “Maykl” nomli bayopik filmning birinchi tizerini taqdim etdi. Film pop musiqaning qiroli hayotiga oid hayratlanarli hikoyani tasvirlab beradi.
Asosiy rolni san’atkorning jiyani Jafar Jekson ijro etmoqda. Suratga olish jamoasi aytishicha, Jafar mashhur qarindoshining obraziga nihoyatda o‘xshab ketadi va rolga juda ishonarli kirisha olgan.
Film rejissyori —Antuan Fukua, ssenariy muallifi esa uch karra “Oskar” nominanti Jon Logan.
Bayopik film premyerasi 2026-yil 24-aprelga belgilangan. Kartinada, shuningdek, Nia Long, Maylz Teller va Lora Harriyer kabi aktyorlar ham ishtirok etadi.
