Yevgeniy Vodolazkinning “Lavr” romani asosida film suratga olinadi va unda rossiyalik aktyor, “Oskar” mukofotiga nomzod Yura Borisov bosh rolni ijro etadi. Bu haqda, TASS film prodyuseri Sergey Katyshevga tayanib xabar berdi.
Film suratga olish ishlari qachon boshlanishi hozircha noma’lum. Loyihadan oldin Moskva va Sankt-Peterburgda “Lavr” asariga bag‘ishlangan teatr tadbirlari o‘tkaziladi. Kitobning sahna talqini bo‘yicha ilk o‘qish 21-oktabr kuni Mariinskiy teatrida, ikkinchisi esa 9-noyabr kuni Bolshoy teatrining Yangi sahnasida bo‘lib o‘tadi.
Borisov va Vodolazkin Moskvadagi tadbirda Pyotr Dranga boshqaruvidagi DYP Orchestra hamda Sveshnikov nomidagi Davlat akademik rus xori jo‘rligida ishtirok etadi.
Ijodkorlarning ta’kidlashicha, teatr loyihasi film ustida ishlashdan oldingi ijodiy laboratoriya vazifasini bajaradi. Unda adabiyot, musiqa va video san’ati uyg‘unlashtiriladi. Spektakl uchun suratga olinadigan videolar esa bo‘lajak filmning hissiy asosiga aylanishi rejalashtirilgan.
