Internetda “Turist” filmi yulduzlari — Anjelina Joli va Jonni Depp o‘rtasida romantik munosabatlar boshlanganligi haqida mish-mishlar tarqaldi. Ular bu munosabatni jamoatchilikdan yashirishga harakat qilayotgani aytilmoqda.
RadarOnline bu borada kutilmagan yangilik bilan chiqdi. Mish-mishlarga ko‘ra, Jonni Depp va Anjelina Joli yashirincha sevgi munosabatlarini boshlagan. Yillar davomida turli taxminlar va ekran ortidagi faoliyatlaridan so‘ng, ular hozirda Londonda va Los-Anjelesda uchrashib turishmoqda. Ular hamma narsani maxfiy saqlash uchun qo‘lidan kelganini qilayotgan emish. “Ular fosh bo‘lishdan saqlanish uchun juda katta choralar ko‘rishyapti”, — deydi noma’lum manba.
62 yoshli “Oskar” sohibi Jonni Depp va 50 yoshli “Malefisenta” yulduzi Anjelina Joli 2010-yilda chiqqan “Turist” filmida birgalikda suratga tushishgan, o‘sha vaqtda u Vannesa Paradi bilan, Joli esa Bred Pitt bilan munosabatda bo‘lgan. Shunga qaramay, manbaga ko‘ra, Jonni “yillar davomida yuragida Endjiga nisbatan his-tuyg‘ular saqlagan”.
Ularning uchrashuvlari tez-tez bo‘lib turgan bo‘lsa-da, manba aytishicha, bu munosabatlar “birinchi uzatma”da qolib ketmoqda. Joli Jonni Deppni rad etmayapti, biroq uni o‘ziga juda yaqin ham yo‘latmayapti — u hissiy jihatdan ma’lum bir masofani saqlamoqda. “Agar hammasi Deppga bog‘liq bo‘lganida, u bu munosabatni ancha jiddiy qabul qilgan bo‘lardi”, — deydi manba.
Joli va Depp uzoq yillik do‘stlar va ular og‘ir damlarda doim bir-birni qo‘llab keladi. Bundan tashqari, Joli ilgari Deppga nisbatan iliq fikr bildirgan edi. The Japan Times nashriga bergan intervyusida u “Turist” filmidagi suratga olish jarayonlari haqida gapirib, Depp ijro etgan “Qaychi-qo‘l Edvard” qahramoniga “crush” bo‘lganini tan olgan. Uning so‘zlariga ko‘ra, u Depp bilan bir filmda rol o‘ynayotganidan juda hayajonlangan va uni uzoq yillar aktyorlar orasida “eng zo‘ri” deb hisoblab kelgan.
