Aktyor Jim Kerri Warner Bros. studiyasi suratga olayotgan “Jetsonlar” (“The Jetsons”) nomli mashhur multserialning kinoadaptatsiyasida bosh rolni ijro etadi. Bu haqda kompaniya aksiyadorlariga yo‘llagan maktubida ma’lum qilgan.
IGN ma’lumotiga ko‘ra, bu Kerri uchun 2016-yildan buyon “Sonik” franshizasidan tashqaridagi ilk film bo‘ladi. Aktyor avvalroq aktyorlik faoliyatini yakunlash haqida o‘ylayotganini aytgan bo‘lsa-da, keyinchalik “Sonik 3” va 2027-yilda chiqadigan “Sonik 4” filmlarida Doktor Robotnik roliga qaytdi.
“Jetsonlar” multseriali ilk bor 1962-yilda namoyish etilgan bo‘lib, uchuvchi avtomobillar, robotlar va kelajak texnologiyalari hukmron bo‘lgan futuristik dunyoda yashovchi Jetsonlar oilasi haqida hikoya qiladi. Film rejissyori hozircha rasman e’lon qilinmagan.
