O‘zbek tomoshabinlariga “So‘yla Qora dengiz” serialidagi Nafas roli orqali tanilgan turk aktrisasi Irem Helvajiog‘lu va tadbirkor turmush o‘rtog‘i Ural Kasparning nikohi rasman yakunlandi. 1,5 yil davom etgan turmushdan keyingi ajrashuv ijtimoiy tarmoqlarda keng muhokama qilinmoqda. Shu bilan birga, ko‘pchilik Ural Kasparning faoliyati bilan ham qiziqa boshladi.
Juftlik 2024-yil kuzida kutilmaganda turmush qurgan edi. 2025-yilda esa ular Sora ismli qiz farzandli bo‘lishgan.
Biroq to‘ydan ko‘p o‘tmay, oilada kelishmovchiliklar borligi haqidagi mish-mishlar paydo bo‘la boshlagan. Oxir-oqibat, Irem Helvajiog‘lu va Ural Kaspar bir sud majlisidayoq ajrashishga qaror qilgan. Xabarlarga ko‘ra, aktrisa ajrashuvdan so‘ng ziyoratgohga borgani ham e’tibor tortgan.
Ajrashuvdan keyin nafaqa va kompensatsiya masalalari ham muhokamaga sabab bo‘ldi. Ural Kaspar aliment to‘lamaslik uchun qizi Soradan familiyasini qaytarib olgani aytilmoqda.
Ural Kaspar restoran biznesi bilan shug‘ullanadi. U Istanbulda joylashgan “The Rua Suadiye” restorani egasi bo‘lib, restoran boshqaruvi sohasida faoliyat yuritadi.
