Yaponiyada 2025-yilda internetda mashhur bo‘lgan Pанch laqabli maymunchaning hayoti haqida kitob nashr etishga tayyorgarlik ko‘rilmoqda.
“Olg‘a, Panch: Maymunchaning ulg‘ayish tarixi” deb nomlangan kitob 2026-yil 26-noyabrda sotuvga chiqadi. Unda Panchning tug‘ilganidan boshlab to‘daga qo‘shilishigacha bo‘lgan hayoti, suratlar va illyustratsiyalar orqali hikoya qilinadi.
Panch 2025-yil iyul oyida Tokio yaqinidagi Ichikava shahar hayvonot bog‘ida tug‘ilgan. Onasi undan voz kechgach, maymuncha to‘dadan tashqarida ulg‘aygan va boshqa maymunlar orasiga moslashishda qiyinchiliklarga duch kelgan. Uning hayoti internet foydalanuvchilarida katta qiziqish va mehr uyg‘otgan.
Kitobga hayvonot bog‘i xodimlari tomonidan olingan 10 mingta surat orasidan tanlab olingan fotosuratlar ham kiritiladi. Nashriyot kitobdan tushgan daromadning bir qismini Ichikava shahri va hayvonot bog‘iga yo‘naltiradi.
