Eva Grin Netflix’ning mashhur “Uensdey” serialining uchinchi mavsumi aktyorlar tarkibiga rasman qo‘shildi. U serialdagi muhim qahramonlardan birini gavdalantiradi.
Aktrisaga Ofeliya Framp — Mortisha Addamsning singlisi va ikkinchi mavsum finalida devorga “Uensdey o‘lishi kerak” deb qon bilan yozgan o‘sha qizil libosdagi sariqsochli qahramon roli nasib etdi. U — qudratli psixik kuchlarga ega qora qush (raven) bo‘lib, o‘z onasi uni yotqizib qo‘ygan ruhiy shifoxonadan qochib ketgan. Ochiq rangdagi sochlari, guldan yasalgan toj va jiyaniga bo‘lgan nafrati uni Ketrin Zeta-Jons o‘ynagan gotik Mortishadan butunlay farqlab turadi.
Bu rol Grin uchun keyin yana qorong‘u seriallarga qaytish bo‘ladi, shuningdek, “Qorong‘u soyalar” (“Dark Shadows”)dan so‘ng Tim Byorton bilan yangi uchrashuv hisoblanadi. Serialning ikkinchi mavsumi Netflix tarixida tomosha qilinishi bo‘yicha to‘rtinchi o‘rinda turadi, birinchi mavsum esa hanuz birinchi o‘rinda. Uchinchi mavsum allaqachon suratga olinmoqda va ko‘rinadiki, bunday xola Ofeliya bilan u yanada qorong‘i va telbavor bo‘lishi aniq.
Aytgancha, qorong‘i kinolarga doir yana bir yangilik: Skarlett Yoxansson ilk bor xorror janrida rol o‘ynaydi. Qaysi filmda, kimni ijro etadi va nega aynan shu janrni tanladi — buni mana bu yerda o‘qishingiz mumkin.
