Eva Grin Netflixning mashhur «Wednesday» seriali uchinchi mavsumi suratga olish ishlari vaqtida jarohat oldi. Ma’lum qilinishicha, hodisa Dublin yaqinidagi suratga olish maydonchasida yuz bergan. Aktrisa shifoxonaga olib borilgan va unga zarur tibbiy yordam ko‘rsatilgan. Shu sababli suratga olish ishlari vaqtincha to‘xtatilib, ijodiy guruhning ish jadvaliga o‘zgartirish kiritilgan. Netflix vakillari Eva Grinning jarohat olganini tasdiqlagan, biroq hodisa tafsilotlari va jarohatning turi oshkor etilmagan. Hozirda aktrisaning ahvoli yaxshi ekani aytilmoqda. Eva Grin 2025-yil noyabr oyida serial aktyorlar tarkibiga qo‘shilgandi. U yangi mavsumda Ofeliya Addams — Mortisha Addamsning singlisi ya’ni Uensdeyning xolasi rolini ijro etadi. Mortisha obrazini esa Ketrin Zeta-Jons gavdalantirmoqda.
Eva Grin Netflixning mashhur “Wednesday” filmini suratga olish jarayonida jarohat oldi
Share post:
