So‘nggi aktyorlik ishidan yetti yil o‘tdi va Emma Uotson yangi intervyusida tanaffus sabablari haqida gapirdi. Aktrisaning oxirgi roli Greta Gervigning 2019-yildagi “Kichkina ayollar” filmida edi. Suratga olish ishlari 2018-yil dekabrda yakunlangan. Shundan beri Garri Potter filmlaridagi Germiona Granger obrazi bilan tanilgan yulduzning eng muhim ko‘rinishlari “Garri Potter: qayta uchrashuv” dasturi va xayriya piklbol (tennisga o‘xshash o‘yin) turniri bo‘yicha TV-shou bo‘ldi.
Hollywood Authentic jurnaliga bergan suhbatida Uotson o‘zini 2025-yilgi Kann kinofestivalida yana kino olamiga qaytib, filmlar tomosha qilib, jamoaning bir qismi bo‘layotgani uchun hozirgacha bo‘lgan eng baxtli va sog‘lom holatda his qilayotganini aytdi. Shuningdek, piklbol o‘yini uning yangi ishtiyoqiga aylanganini ta’kidladi.
Uotson aktyorlik kasbining nimasi yoqishini va nimasi yoqmasligini tushuntirib, shunday dedi:
“Ishning o‘zidan ko‘ra muhimroq qismi bu — uni reklama qilish, tomoshabinlarga “sotish”. Bu muvozanat ko‘pincha buzilib ketadi. Rostini aytsam, men filmlarni sotishni sog‘inmayman. Bu juda ruhiy jihatdan charchatadigan edi. Lekin men o‘z mahoratimdan foydalanishni va san’atni juda sog‘indim.”
Aktrisa qo‘shimcha qildi: sahna ustida ishlash unga katta zavq bergan, biroq bunday imkoniyatlar juda kam bo‘lgan. Shu bilan birga, katta loyihalarda ishlash bosimi ham yoqmaganini aytdi.
Emma Uotson so‘nggi 7 yilda nima bilan shug‘ullandi?
Uotson tanaffus davrida faol bo‘lib kelganini ta’kidladi. Kann safaridan va piklbol o‘yinini mukammallashtirishdan tashqari, u “ilgari hech qachon qilmagan yangi loyiha ustida ishlayotganini” ham ma’lum qildi, biroq tafsilotlarini ochiqlamadi.
