Shveysariya lyuks soat brendi Hublot BTS a’zosi Chongukni o‘zining yangi global elchisi etib tayinladi. Hamkorlik Seulda (Janubiy Koreya) o‘tkazilgan tantanali tadbir bilan e’lon qilindi, deb xabar beradi Hypebeast.
Ushbu hamkorlikning asosiy g‘oyasi noyoblik va ijodiy o‘ziga xoslikdir. Hublot brendining tarixi — 1980-yilda ishga tushishi va 2005-yilda Big Ben modelini chiqarishi — Chongukning karyerasiga o‘xshashdir. San’atkor musiqiy janrlarni jasorat bilan uyg‘unlashtiradi, ijodkorlik va impuls bilan ish yuritadi. Brend bosh direktori Julyen Tornare Chongukni “o‘z avlodining eng ta’sirli san’atkorlaridan biri” deb atadi.
Kampaniyada markaziy o‘rinni Big Bang Original Unico modeli egallaydi. Hublot soatlarni faqat aksessuar sifatida emas, balki “Chongukning ijodiy kodining davomiyligi” sifatida ta’riflaydi. Soat qatlam‑qatlam yaratilganidek, Chonguk ham o‘z musiqiy asosini treklar orqali kengaytirdi. Shu bois, ushbu model uning ijodiy evolyutsiyasida muhim hamrohi hisoblanadi.
