Amerikalik xonanda Britni Spir mast holda avtomobil boshqarganlikda gumon qilinmoqda. Bu haqda TMZ huquq-tartibot organlaridagi manbaga tayanib xabar berdi.
Nashr ma’lumotiga ko‘ra, pop yulduzi 4-mart kuni kechqurun Ventura County’da (California) politsiya tomonidan to‘xtatilgan. Unga kishan solinib, holatni aniqlash uchun politsiya bo‘limiga olib ketilgan. 44 yoshli Spirs 5-mart tongida kameradan chiqarilgan.
Shu bilan birga, People nashri xabariga ko‘ra, hibs bayonnomasida “sudga olib kelish va keyinchalik ozod qilish” degan qayd mavjud bo‘lib, unda sinov muddati ko‘rsatilmagan. Britni Spir ushbu ish bo‘yicha 4-may kuni sud oldida javob berishi kerak.
San’atkor hozircha voqea yuzasidan izoh bermagan. Uning ijtimoiy tarmoqlardan biridagi akkaunti esa yana o‘chirib qo‘yilgan — bu holat hibsdan bir necha kun oldin sodir bo‘lgan.
Eslatib o‘tamiz, 2021-yilda Los Anjeles sudi Spearsni 13 yil davom etgan vasiylikdan ozod qilgan edi. Bu vasiylikni uning otasi Jeymi Spirs amalga oshirgan bo‘lib, u Britnining moliyasi va internetdagi faoliyatini nazorat qilib kelgan.
Avvalroq, 11-fevral kuni pop yulduzi o‘zining musiqiy katalogiga bo‘lgan huquqlarning bir qismini sotgani haqida xabar berilgandi. Ushbu bitim uchun Britni Spirs katta miqdorda mablag‘ olgan.
