“Oskar” mukofoti sohibi, 61 yoshli Bred Pitt, 2022-yildan beri 32 yoshli nafis taqinchoqlar dizayneri Ines de Ramon bilan uchrashib kelmoqda. Ines avval “Vampir kundaligi” serialining yulduzlaridan biri bilan turmush qurgan edi
O‘tgan dushanba kuni qizg‘in munosabatlarini ko‘z-ko‘z qilgan holda qizil gilamda ko‘ringan juftlik, ertasi kuni Nyu-Yorkda yana diqqat markazida bo‘ldi.
Bu juftlik hashamatli Nyu-York mehmonxonasiga mos holda, moviy rangdagi kiyimlarda mehmonxonani tark etayotganda suratga tushgan.
Yaqinda o‘ziga “o‘rta yosh inqirozi” uslubidagi yangi imij bergan aktyor Bred Pitt — ko‘k rangli “Gucci” kombinezonida, Ines esa “Marine Serre” brendiga oid jinsi korset va shimda ko‘rinish berdi.
Ular bir xil uslubdagi quyoshdan saqlovchi ko‘zoynaklar taqib, katta sumkalar ko‘tarib, mashinaga yo‘l olishdi.
Bu bir-biriga uyg‘unlashgan kiyimlar juftlikning munosabatlari haqida nimadandir darak berayotgandek. Chunki Bred Pittning yaqin insoniga mos kiyinish odati bor. Bilasizki, avvallari Anjelina Joli, Gvinet Peltrou va Jennifer Aniston bilan bo‘lganida ham ularning soch stili va kiyinish uslubini takrorlagani bilan mashhur edi.
