Bleyk Layvli yana Jastin Baldoniga qarshi yangi talab bilan chiqdi. Aktrisa navbatdagi da’vo arizasini topshirganini TMZ xabar qildi. Avvalroq sud aktrisaning talablarini katta qismini rad etgan edi. Endi esa Layvli “Hammasi biz bilan tugaydi” filmidagi sobiq hamkasbidan 40 mln dollar undirishni rejalamoqda.
Gap shundaki, sud jarayonlaridan keyin internetda aktrisa haqida “behis”, “yomon qiz” kabi salbiy izohlar ko‘payib ketgan. Layvli yollagan ekspert hisob-kitobiga ko‘ra, bunday mazmundagi 176 mlndan ortiq izohlar aniqlangan. Bu esa uning obro‘siga 36,5 mlndan 40,5 mln dollargacha zarar yetkazgan deb baholanmoqda.
Baldonining advokatlari esa bu summani “kulgili” deb atagan. Ma’lum qilinishicha, tomonlar 18-may kuni sudda yana yuzma-yuz kelishadi.
Eslatib o‘tamiz, “Hammasi biz bilan tugaydi” filmida birga ishlagan sobiq hamkasblar o‘rtasidagi mojaro 2024-yil dekabrda ochiq tus olgan. Bleyk Layvli Baldonini ta’qib va obro‘sini tushirishga urinishda ayblangan. Jastin Baldoni esa bunga javoban qarshi da’volar, jumladan tuhmat bo‘yicha ariza bergan. Aktrisaning turmush o‘rtogi Rayan Reynolds ham uni qo‘llab-quvvatlab, “Hayotimda hech qachon rafiqam bilan bu qadar faxrlanmaganman” degan edi.
