Lili Kollinz “Emili Parijda” serialidagi Emili Kuper obrazi bilan xayrlashdi. Serialning 6-mavsumi suratga olish ishlari yakunlandi. Final mavsum 24-dekabr kuni Netflix’da namoyish etiladi.
Aktrisa ijtimoiy tarmoqlarda Parijdagi Estrapad maydonida “Fin” (“Tamom”) yozuvi tushirilgan kresloda o‘tirgan suratini ulashdi. Qizig‘i, serial voqealari ham aynan shu maydonda boshlangan. Kollinz Emili obrazini hayotining muhim qismi deb atab, ushbu loyiha unga ko‘p yillar davomida ilhom va yangi sinovlar berganini ta’kidladi.
“Xayrlashish juda og‘ir. Ammo bu obrazni gavdalantirish va shunday quvonchli loyihaning bir qismi bo‘lish imkoniga ega bo‘lganimdan faxrlanaman va minnatdorman”, — dedi aktrisa.
Final mavsumda Emili Marsello bilan munosabatlari tugaganidan so‘ng Parijga qaytadi. U ishiga e’tibor qaratishga urinayotgan bir paytda Gabriel uning ishonchini qayta qozonishga harakat qiladi.
“Emili Parijda” seriali amerikalik Emili Kuperning Parijga ko‘chib kelishi va u yerda marketing sohasidagi faoliyati hamda shaxsiy hayoti haqida hikoya qiladi. Serialning ilk mavsumi 2020-yilda Netflix’da namoyish etilgan.
