“Mashaqqatlar sari” (“Breaking Bad”) serialidagi Uolter Uayt kichik obrazi orqali tanilgan amerikalik aktyor RJ Mitte 34 yoshida vafot etdi. Bu haqda aktyorning vakili BBC’ga ma’lum qilgan.
Serebral falaj bilan yashagan aktyor serialdagi qahramonini gavdalantirishda o‘z hayotiy tajribasidan foydalangan. Brayan Krenston va Aaron Pol bosh rollarni ijro etgan serial uning faoliyatida muhim o‘rin tutgan. 2014-yilda Mitte ushbu loyihadagi ishi uchun Screen Actors Guild Award mukofotiga sazovor bo‘lgan.
Aktyor ijodiy faoliyatidan tashqari, xayriya ishlari va nogironligi bo‘lgan insonlar huquqlarini himoya qilish borasidagi tashabbuslari bilan ham tanilgan. U jamiyatda nogironligi bo‘lgan insonlar haqida to‘g‘ri tushuncha shakllanishi va ularga nisbatan hurmat ortishiga hissa qo‘shgan.
