Gollivud aktyori Nikolas Keyjning Malibu shahridagidagi hashamatli qarorgohi kutilmagan hodisa sabab jamoatchilik e’tiboriga tushdi. Uy hududida ulkan o‘ra paydo bo‘lib, qarorgohga olib boruvchi yo‘lning bir qismi yer ostiga qulab tushgan.
Page Six xabariga ko‘ra, o‘raning hajmi taxminan 9×9 metrga yetadi. Voqea joyidan olingan suratlarda chuqur ichida qurilish biotualetlari va panjara qismlarini ko‘rish mumkin.
Mutaxassislar hozircha hodisaning aniq sababini tasdiqlamagan. Dastlabki taxminlarga ko‘ra, bunga qirg‘oq bo‘ylab tuproqning siljishi sabab bo‘lishi mumkin.
Yong‘in xavfsizligi xodimlari vayronagarchilikni seshanba kuni erta tongda, ehtimoliy gaz sizib chiqishi haqidagi chaqiruv bo‘yicha manzilga yetib kelganida aniqlagan. Ma’lumotlarga ko‘ra, o‘sha paytda qarorgoh bo‘sh bo‘lgan va unda ta’mirlash ishlari olib borilayotgan edi.
Nikolay Keyj ushbu okeanga panoramali manzaraga ega hashamatli uyni 2024-yilda 10,5 million dollarga sotib olgan. 1990-yillarda qurilgan qarorgohning tom qismida gidromassaj vannasi ham mavjud.
