Netflix “Metyu Perri tarixi” nomli uch qismli hujjatli serialni taqdim etadi. The Hollywood Reporter xabariga ko‘ra, loyihaga Mari Robertson rejissyorlik qilgan.
Serialda aktyorning ijodiy hamkorlari va yaqin do‘stlari xotiralari uning shaxsiy hayotidagi qiyinchiliklar haqidagi hikoyalar bilan uyg‘unlashtiriladi. Shuningdek, Metyu Perrining singlisi Mia Perri va uning eng yaqin do‘stlari bilan olingan intervyular ham namoyish etiladi.
Ma’lumot o‘rnida, Metyu Perri 2023-yilda 54 yoshida vafot etgan. Uning o‘limidan so‘ng AQSHda jinoiy ish qo‘zg‘atilib, bu ish bo‘yicha besh kishi aybini tan olgan. Ular orasida giyohvand moddalarni yetkazib bergan shaxslar, shifokor va aktyorning shaxsiy yordamchisi ham bor edi.
