Met Gala 2027 sanasi o‘zgarishi mumkin. Bunga tadbir doirasida britaniyalik dizayner Jon Galyanoga bag‘ishlangan “John Galliano: Horizons” (“Jon Galyano: Ufqlar”) ko‘rgazmasi atrofidagi bahslar sabab bo‘lmoqda. Ko‘rgazma mavzusi 31-iyul kuni e’lon qilingan.
Galyanoning 2011-yilda antisemitik mazmundagi bayonotlari sabab Dior kreativ direktori lavozimidan chetlatilgani jamoatchilik va ayrim homiylarning noroziligiga sabab bo‘lgan.
Bundan tashqari, Met Gala an’anaviy ravishda may oyining birinchi dushanbasida o‘tkaziladi. 2027-yilda bu sana 3-may Holokost xotira kuniga to‘g‘ri keladi. Ayrim homiylar tadbir rejalashtirilgan shaklda o‘tkazilsa, moliyaviy ko‘magini qaytarib olish bilan tahdid qilgan.
The New York Times ma’lumotiga ko‘ra, Metropoliten muzeyi rahbariyati va vasiylar kengashi tadbir sanasini o‘zgartirish masalasini muhokama qilmoqda. Muzey direktori Maks Xolyayn esa ko‘rgazma va Met Gala axloqiy hamda etik standartlarga mos ravishda tashkil etilishini bildirgan. Hozircha tadbir sanasini o‘zgartirish bo‘yicha yakuniy qaror qabul qilinmagan.
