Marvel Studios uzoq kutilgan “Qasoskorlar: Doktor Dum” (Avengers: Doomsday) filmining ilk treylerini e’lon qildi. Film 18-dekabr kuni jahon kinoteatrlarida namoyish etiladi. E’tiborlisi, aynan shu sanada “Dyuna: 3-qism” ham premyera qilinadi.
Treylerda filmning asosiy yovuz qahramoni Doktor Dum namoyon bo‘ladi. Ushbu obrazni Marvel olamida Temir odam sifatida tanilgan Robert Dauni Jr. ijro etadi. Shuningdek, Kris Hemsvort Tor, Kris Evans esa Stiv Rojers rolida yana ekranlarga qaytadi.
Lavhalarda “Fantastik to‘rtlik”, “X-Men” qahramonlari, Loki, Shan-Chi, Chumoli odam, Sem Uilson va boshqa ko‘plab superqahramonlarning Doktor Dumga qarshi birlashgani aks etgan.
Filmga Jo va Entoni Russo rejissyorlik qilgan. Aka-uka rejissyorlar avval Marvel’ning rekord o‘rnatgan “Qasoskorlar: Cheksizlik urushi” va “Qasoskorlar: Intiho” filmlarini ham suratga olgan edi.
