Warner Bros. va filmning bosh aktyorlari Margo Robbi hamda Rayan Gosling o‘rtasida gonorar bo‘yicha kelishuvga erishilmagani sabab “Barbi 2” filmini suratga olish ishlari hozircha to‘xtab qoldi.
Ma’lum qilinishicha, Rayan Gosling yangi film uchun 20 million dollar gonorar so‘ramoqda. Rejissyor Greta Gervig esa davomi uchun g‘oyani ishlab chiqqan bo‘lsa-da, aktyorlar va studiya o‘rtasidagi shartnomalar imzolanmaguncha uni Warner Bros. rahbariyatiga taqdim etmaydi.
Agar dekabr oyigacha tomonlar kelishuvga erisha olmasa, “Barbi 2” filmiga bo‘lgan huquqlar yana Mattel kompaniyasiga qaytadi va loyiha yangi ijodiy jamoa bilan qayta ishlab chiqilishi mumkin.
Eslatib o‘tamiz, 2023-yilda ekranlarga chiqqan “Barbi” filmi jahon prokatida 1,4 milliard dollardan ortiq daromad yig‘ib, yilning eng muvaffaqiyatli filmlaridan biriga aylangan edi.
