O‘zbek milliy akademik drama teatrini kapital ta’mirlash1 mlrd 870 mln so‘mga tushadi

Toshkent shahridagi O‘zbek milliy akademik drama teatri binosi kapital ta’mirdan chiqariladi. Bu haqda poytaxt hokimi Shavkat Umurzoqovning 25-iyundagi qarorida ma’lum qilingan. Loyihani amalga oshirish uchun Toshkent shahrini rivojlantirish jamg‘armasidan 1 milliard 870 million so‘m mablag‘ ajratiladi. Ta’mirlash ishlari bilan bir qatorda teatr atrofi ham obodonlashtiriladi. Buyurtmachi sifatida Toshkent shahar hokimligi huzuridagi “Yagona buyurtmachi xizmati” injiniring kompaniyasi belgilangan. O‘zbek milliy akademik drama teatri yurtimizning eng qadimiy teatrlaridan biri hisoblanadi. Uning tarixi 1914-yilda Abdulla Avloniy tomonidan tashkil etilgan “Turon” teatr truppasidan boshlangan. Teatr 1933-yilda akademik maqomini olgan, 2001-yilda esa Prezident farmoni bilan hozirgi nomiga ega bo‘lgan.