Amerikalik xonanda Madonna 24 yildan so‘ng yana kino industriyasiga qaytib, muxlislarini xursand qilmoqchi. U “The Studio” serialining ikkinchi mavsumida rol ijro etishi kutilmoqda. Bu haqida ko’ngilochar haftalik xabar berdi.
Suratga olish maydonchasida Madonna bilan birga Set Rogen, Brayan Krenston, Ayk Barinhols, Cheyz Sui, Ketrin Xan, Maykl Kiton va Juliya Garner ham ishtirok etmoqda. Muxlislar xonanda qanday obrazni gavdalantirishi va uning o‘ziga xos xarizmasi serialga qanday mos tushishini qiziqish bilan kutmoqda.
Shu bilan birga, 67 yoshli Madonna o‘zining biografik filmi ustida ham ishlamoqda — u ssenariy yozmoqda va filmni o‘zi rejissyorlik qilishni rejalashtirgan. Ushbu loyihada bosh rolni Juliya Garner ijro etadi.
Eslatib o‘tamiz, Madonnaning kino faoliyati ham bir paytlar uning musiqiy faoliyati kabi yorqin bo‘lgan. U 1980–2000-yillarda muntazam ravishda filmlarda rol ijro etgan. Uning eng mashhur rollaridan biri — “Evita” filmidagi Eva Peron obrazi bo‘lib, bu roli uchun u “Oltin globus” mukofotini qo‘lga kiritgan.
