Makoley Kalkin, ismi abadiy 8 yoshli Kevin Makkallister obrazi bilan bog‘lab qo‘yilgan aktyor, yana yangi yil mavsumidagi eng mashhur franshizaga qiziqishni oshirdi. “Makoley Kalkin bilan nostalgiya oqshomi” turida u nafaqat “Uyda yolg‘iz”ga qaytishga qarshi emasligini, balki ideal davomi uchun o‘z ssenariy g‘oyasini ham o‘ylab topganini aytdi.
Aktorning taklif qilgan hikoyasi bir vaqtning o‘zida ham kulgili, ham kutilmaganda juda ta’sirli bo‘lib chiqqan.
Endi o‘g‘rilar yo‘q
Yangi versiyada katta bo‘lgan Kevin o‘zining mashhur tuzoqlariga butunlay boshqa tomondan duch keladi. Kalkinning aytishicha, uning qahramoni yolg‘iz ota bo‘lishi mumkin — ajrashgan yoki beva — va juda ko‘p ishlagani sabab bolasi e’tibor yetishmasligidan ranjiydi.
Shunda farzandi xafa bo‘lib, otasini yolg‘iz qoldiradi, endi uning o‘ziga qarshi tuzoqlar o‘rnatadi. Natijada original filmga o‘ziga xos yengil, kulgili “ko‘zgu” parodiyasi hosil bo‘ladi — Kevin esa bolaligidagi o‘g‘rilar o‘rniga o‘zi “bosqinchi”ga aylanadi.
