Tom Holland suratga olish maydonida yiqilib, yengil miya chayqalishi olgani sababli film ishlab chiqarilishi bir haftaga to‘xtatildi.
29 yoshli aktyor o‘tgan juma kuni shoshilinch ravishda kasalxonaga olib ketilgan. Xabar qilinishicha, u yiqilib boshini urib olgan va shifokorlar tomonidan nazoratga olingan.
Film £150 millionlik byudjetga ega bo‘lib, hozircha asosiy sahnalar Tom’siz tasvirga olinmagani uchun jarayonni davom ettirishning imkoni yo‘q. Ishlar 29-sentyabr kuni qayta boshlanishi rejalashtirilmoqda. Kartinaning dastlabki premyera sanasi — 2026-yil 31-iyul — hozircha o‘zgarishsiz qolmoqda.
