Rejissyor Tim Byorton va aktrisa Jenna Ortega “Uenzdey” seriali rasman uchinchi mavsumga uzaytirilganini e’lon qilishdi. Bu haqda The Hollywood Reporter xabar berdi. Hozirda serial asosidagi alohida spinoff (yangi syujetli alohida serial) bo‘yicha ham muzokaralar olib borilmoqda.
Uchinchi mavsum premyerasi qachon bo‘lishi va tomoshabinlarni nimalar kutayotgani hozircha noma’lum. Biroq ayni damda ikkinchi mavsum chiqishga tayyor – u ikki qismga bo‘lingan:
? 1-qism — 6-avgustda,
? 2-qism — 3-sentabrda namoyish etiladi.
Eslatib o‘tamiz, serial syujeti “Addamslar oilasi”dagi qahramon — Mortisha va Gomes Addamsning qizi Uensdey atrofida aylanadi. U paranormal qobiliyatlarini boshqarishga harakat qilib, yangi do‘stlar orttirishga urinadi. Yangi mavsumda Uensdeyni qanday sinovlar kutayotgani esa hanuz sirligicha qolmoqda.
Aktrisa Jenna Ortega avvalroq intervyusida shunday degandi:
“Bu safar serialda muhit yanada qorong‘u va sirli bo‘ladi.”
