Pop musiqasi bilan mashhur bo‘lgan xonanda Dua Lipa 2025-yilga kelib Buyuk Britaniya va Irlandiyada 30 yoshgacha bo‘lgan eng muvaffaqiyatli yulduzga aylanishi bilan tanilgan. Uning boyligi 165,1 million dollarga baholanmoqda. Bunga xonandaning Radical Optimism nomli gastrol sayohatidan olingan daromad, shuningdek, Porsche va Versace bilan amalga oshirgan hamkorligi sababli bo‘lmoqda.
30 yoshgacha bo‘lgan eng boy britaniyalik va irlandiyalik mashhurlarning Top-30 ro‘yxatiga yangi qo‘shilganlar orasida qo‘shiqchi Xolli Xemberstoun, aktrisa Anya Teylor-Joy va aktyor Leo Vudoll ham bor.
«Sevgi oroli» (Love Island) shousining sobiq ishtirokchisi va «Strictly Come Dancing» raqs shousi yulduzi Ember Devis 29 yoshida 2,17 million dollar boylik bilan 30-o‘rinni egalladi.
Ikkinchi o‘rinni esa, Tom Holland egallab, u 2025-yil davomida 47,4 million dollar daromad topgan. Uning daromadining asosiy manbai «O‘rgimchak odam» filmi va o‘zining alkogolsiz Bero pivosi savdosidan kelgan.
Muvaffaqiyatli albomlari, gastrollari va Glastonberi festivalidagi qatnashuvi tufayli Lyuis Kapaldi 44,8 million dollar bilan uchinchi o‘rinni qo‘lga kiritdi.
