O‘tgan dushanba kuni Teylor Svift ashaddiy muxlislarini hayratda qoldirdi — u yangi albomi “The Life Of A Showgirl” haqida e’lon qilishidan oldin maxsus “countdown”ni (orqaga sanash) boshladi.
35 yoshli pop yulduzining rasmiy sayti dastlab yaltirab turgan to‘q sariq fon ustida sanash vaqtini va shifrlangandek ko‘ringan yozuvni ko‘rsatdi: “12-avgust, soat 12:12 da tugaydi (ET)”. Albomning aniq chiqish sanasi hali tasdiqlanmagan.
Sanash vaqti tugagach, Teylorning sayti darhol ishlamay qoldi va ko‘plab sodiq muxlislar e’londan bexabar qolishdi. Lekin uning yigiti Trevis Kelsining “podcasti”ga tegishli X sahifasida yangi albom haqidagi qisqa video lavha ulashildi.
“Men sizga nimanidir ko‘rsatmoqchi edim,” — dedi Teylor Trevisning yonida o‘tirib. Keyin u yon tomonida “TS” deb yozilgan oq qutini chiqardi.
“Bu mening mutlaqo yangi albomim — The Life Of A Showgirl,” — dedi u faxr bilan, qo‘lida albomning vinil nusxasini ko‘tarib (videoda tasvir qisman senzura qilingan edi).
Trevisning ukasi Jeyson Kelsi esa albom nomini eshitishi bilanoq hayajon bilan qichqirib yubordi.
“TS 12!” — deb xursand bo‘ldi Trevis, bu bilan albomning Sviftning o‘n ikkinchi studiya albomi ekaniga ishora qildi. Video shu yerda to‘satdan yakunlandi.
 boshladi.){kind=link}