“Muallifliksiz ish” 2018-yil, Germaniya
Bu filmda bosh qahramonlarning ismlari o‘ylab topilgan. Ammo hikoya davomida bu film nemis rassomi Gerxard Rixterning tarjimai holiga asoslanganligini bilin olish mumkin. 88 yoshli rassom filmni qadrlamasada, shunga qaramay, natsizm fonidagi hayot, sevgi va ijodkorlik, g‘arbiy zamonaviy san’at haqiqatlari bilan to‘qnashuv orqali go‘zal kadrlar yaralgan.
“Gogen. Jannatni izlash” 2017-yil, Fransiya
Vensan Kassel tomonidan ijro etilgan taniqli fransuz rassomi haqida tasviriy film biografiyasi. Syujet Gogen Parij hayotidan Taitiga jo‘nab ketgan davrni tasvirlaydi. U yerda u mahalliy qiz —Tehura bilan uchrashadi. Keyinchalik u rassomning hozirgi kunda mashhur bo‘lgan ko‘plab rasmlarining qahramoni bo‘ladi.
“Daholar: Pikasso” 2018-yil, AQSh
O‘n seriya davomida tomoshabinga afsonaviy ispaniyalik rassomning boy hayotidagi barcha asosiy voqealarni — san’at maktabiga kirish va yoshlikdan o‘limgacha ko‘rsatib berilgan.
“Gunoh” 2019-yil, Rossiya, Italiya
2019-yilda rejissyor Andrey Konchalovskiy tomonidan suratga olingan, italiyalik mashhur haykaltarosh va rassom Mikelanjeloning hayotiga bag‘ishlangan rus-italyan epik badiiy filmi.
“So‘nggi portret” 2017-yil, Buyuk Britaniya, AQSh
1964-yilda, o‘limidan ikki yil oldin, taniqli haykaltarosh Alberto Jakometti (Jeffri Rush) do‘sti, yosh va mashhur amerikalik tanqidchi Jeyms Lordning portreti ustida ishlashni boshlaydi. Film deyarli hech qanday syujetga ega emasdek tuyulishi mumkin, ammo Parijning yangi atmosferasi, hayot, san’at va rasm haqidagi yorqin suhbatlar sizni “Oskar” mukofotiga nomzod bo‘lgan filmni oxirigacha tomosha qilishga majbur qiladi.
