Kecha Moskva sudida Djigan va Oksana Samoylova o‘rtasidagi ajrashish jarayoni bo‘yicha dastlabki sud majlisi bo‘lib o‘tdi. Uchrashuv tez va oshkora o‘tdi – reper kelmadi, Oksana esa shaxsan ishtirok etdi, deb xabar beradi RIA Novosti muxbiri.
“Djigan ulg‘ayishi kerak, bu esa bir kechada bo‘lmaydi 17 yildan beri kutaman afsus natija yo‘q. Bugun kelmasligini sezgan edim. O‘zi 20-sentabrdan beri ko‘rishganimiz yo‘q. Bolalar xohlaganlarida otasi bilan, xohlaganlarida esa men bilan”, – deb izoh berdi Samoylova Super.ru nashriga bergan intervyusida.
Oksananing advokati taraflar iltimosnoma bilan chiqqani, hozircha bolalar va mol-mulk bo‘yicha nizo yo‘qligini ma’lum qildi. Biroq, Djigan Samoylova bilan yarashish uchun uch oy so‘radi. Keyingi sud majlisi 17-noyabrga belgilangan.
“Sud jarayoni juda qisqa o‘tdi. Hech narsa muhokama qilinmadi; tomonlar iltimosnoma bilan chiqdi. Ayblanuvchi yarashuv muddatini so‘radi. Bugungi kunga kelib, bolalar va mol-mulk bo‘yicha hech qanday nizo yo‘q. Menimcha, bolalar onasi bilan qolishi mantiqan to‘g‘ri keladi”, – dedi Samoylovaning advokati Super.ru nashriga.
Eslatib o‘tamiz, yulduzlar oilasi o‘rtasidagi kelishmovchilik haqidagi mish-mishlar birinchi marta yozda paydo bo‘lgan edi. Bu er-xotinning xatti-harakatlarida yaqqol namoyon bo‘ldi: So‘nggi paytlarda Djigan qizil gilamlarda yolg‘iz yoki farzandlari bilan tez-tez ko‘rinish berayotgan bir paytda, oktabr oyi boshida uning rafiqasi Oksana Parijdagi moda haftaligiga yolg‘iz yo‘l oldi.
Biroq, er-xotinning ajralishi haqidagi mish-mishlar 9-oktabr kuni tasdiqlandi. Keyin Oksana Samoylova Djigan bilan ajrashish uchun ariza bergani ma’lum bo‘ldi. Bir hafta o‘tgach, 16-oktabr kuni bloger birinchi marta reper bilan ajrashganini oshkora tasdiqladi.
