Ikki farzandning onasi bo‘lgan mashhur model Naomi Kempbell Ibizadagi ta’tilida suratga tushdi. Yillar o‘tishiga qaramay, Kempbellning sog‘lom va chiroyli qomati hammani havasda qoldirdi.
1990-yillarning mashhur top modeli Naomi Kempbell Ispaniyaning mashhur dam olish maskani bo‘lgan Ibizada dengizda hordiq chiqarayotgani paytida suratga tushdi.
Maxsus tadbirlardan tashqari endi podiumga chiqmaydigan mashhur model hozirda vaqtining katta qismini onalikka bag‘ishlamoqda. 2021-yilda qiz farzand, 2023-yilda esa o‘g‘il farzand ko‘rganini e’lon qilgan Kempbell, farzandlarining ismlari va yuzlarini ommadan yashirib kelmoqda.
