Britaniyalik mashhur qo‘shiqchi Jessi J. ijtimoiy tarmoqdagi sahifasida unga ko‘krak bezi saratoni tashxisi qo‘yilganini ma’lum qildi.
37 yoshli san’atkor ushbu kasallik erta bosqichda aniqlanganini aytib, muxlislariga videomurojaat yo‘lladi:
“Saraton – qanday shaklda bo‘lmasin, dahshatli. Ammo men “erta” aniqlanganiga diqqatimni qaratganman.”
Jessi J. bu tashxisni 25-aprel kuni chiqqan yangi xiti – “No Secrets” chiqishidan avval bilganligini ham aytib o‘tdi.Bir farzandning onasi bo‘lgan Jessi, 15-iyun kuni Londonda o‘tkaziladigan “Summertime Ball” konsertida chiqish qilganidan so‘ng jarrohlik amaliyotiga kirishini bildirdi.
