Jennifer Lopez G‘arbdagi mumkin bo‘lgan heyt sabab Rossiyada chiqishdan bosh tortdi.
Mash telegram-kanali xabar berishicha, Jennifer Lopez avgust oyida Rossiyada gastrol doirasidagi konsertidan voz kechgan. Sabab — G‘arbdagi hamkasblarining kutilmagan reaktsiyasi. Jey Lo qo‘rqadiki, Rossiyadagi konsert G‘arbda yangi heyt to‘lqinini keltirib chiqarishi va uning obro‘sini (yana) xavf ostiga qo‘yishi mumkin.
Mash ma’lumotlariga ko‘ra, Rossiyadagi tashkilotchilar pop-diva bilan uning MDH mamlakatlari — Qozog‘iston, O‘zbekiston va Armanistondagi gastrollari fonida bog‘langan. Konsert sanasi va narxi — bir million dollar miqdorida kelishilgan, hatto niyatlar to‘g‘risidagi kelishuv ham imzolangan edi. Ammo maslahatlashib olgach, Jenniferning jamoasi rad javobini bergan.
Yirik kontsert agentligi PMI rahbari Yevgeniy Finkelshteyn Mash bilan suhbatda muzokaralar haqidagi ma’lumotni inkor etmadi, biroq izoh berishdan bosh tortdi. Dastlabki ma’lumotlarga ko‘ra, aynan uning kompaniyasi san’atkor bilan muzokaralar olib borgan.
