Ilon Mask o‘z hayoti haqidagi hujjatli film ijodkorlarini sudga berishi mumkin

Share post:

Ilon Maskning advokati rejissyor Aleks Gibniga “Musk” hujjatli filmi yuzasidan sudga murojaat qilinishi mumkinligi haqida ogohlantiruvchi xat yubordi.

Advokatning fikricha, filmda Mask 2024-yilgi AQSh prezidentlik saylovlariga ta’sir o‘tkazish uchun Starlink tizimidan foydalangan bo‘lishi mumkin degan noto‘g‘ri tasavvur uyg‘otuvchi sahna bor.

Ilon Maskning o‘zi filmda ishtirok etmagan. Biroq unda uning sobiq rafiqasi Jastin Mask, sobiq hamkori Eshli Sent-Kler, otasi Errol Mask hamda Tesla kompaniyasi hammuassisi Martin Eberhard intervyu bergan.

Filmga oid e’tirozlarga Eshli Sent-Kler ishtirokidagi sahna sabab bo‘lgan. U saylovlar oldidan Mask “matritsadagi anomaliyani chiqarish” niyatida ekanini aytganini, shundan so‘ng esa unga “kosmosdagi o‘n mingta lazer” haqida xabar yuborganini bildirdi.

Mask tomoni esa Starlink saylovlardagi ovozlarni hisoblash jarayoniga aloqador bo‘lmaganini ta’kidlamoqda.

Qariyb to‘rt soatlik film 8-sentyabr kuni Venetsiya kinofestivalida namoyish etildi. AQShda esa 16-oktyabrdan prokatga chiqishi kutilmoqda.

Javob qoldiring:

Iltimos, sharhingizni kiriting!
Iltimos, ismingizni bu yerga kiriting

spot_img

Tegishli maqolalar

Maykl Jekson vafotidan 17 yil o‘tib ham musiqa reytinglarida yetakchilik qilmoqda

Pop qiroli Maykl Jeksonning “The Essential Michael Jackson” albomi 2026-yilning dastlabki to‘qqiz oyi yakunlariga ko‘ra, Buyuk Britaniyada eng...

“Maykl” filmi Gotem mukofotiga sazovor bo‘ladi

Pop qiroli Maykl Jekson hayotiga bag‘ishlangan “Maykl” biografik filmi 2026-yilgi Gotem (Gotham Film Awards) marosimida maxsus musiqiy mukofot...

Ay Yola guruhi “Gremmi”ning ilk saralash bosqichidan joy oldi

Boshqirdistonning Ay Yola musiqiy guruhi “Gremmi” mukofotiga nomzodlarni saralashning birinchi bosqichiga kiritildi. Guruhning “Ural Batyr” albomi va “Aihylyu”...

Rossiyalik reper Navai Qozog’istonda ikki oyga hibsga olindi

Rossiyalik reper Navai taxallusi bilan tanilgan Navai Bakirov Qozog‘istonda ikki oy muddatga hibsga olindi. Bu haqda Jambil viloyati...