Italiyalik mashhur modelyer Donatella Versache afsonaviy filmning davomi — “Qattiqqo‘l xonim 2” (“The Devil Wears Prada 2”) suratga olish jarayonida ishtirok etayotgani ma’lum bo‘ldi.
Manbalarga ko‘ra, 70 yoshli dizayner filmda o‘zi sifatida qatnashmoqda. Qizig‘i shundaki, birinchi qismda uning familiyasi bir necha bor hurmat bilan tilga olingan edi, endi esa Donatella kameralar qarshisida shaxsan paydo bo‘ladi.
Daily Mail xabariga ko‘ra, u suratga olish maydonchasida ko‘k rangli kostyumda, ko‘zoynakda va juda xotirjam, baxtiyor holatda ko‘ringan. Filmning syujeti hozircha sir saqlanmoqda, ammo Versace’ning ishtiroki moda olamining haqiqiy ramzi sifatida filmga alohida joziba qo‘shishi kutilmoqda.
Donatella Versache 1997-yildan 2025-yilgacha Versace modalar uyining bosh dizayneri bo‘lgan, hozirda esa brendning rasmiy ambassadorkasi hisoblanadi.
Filmning premyerasi 2026-yil may oyida bo‘lib o‘tadi — bu esa birinchi film chiqqaniga 20 yil to‘lishi bilan ayni bir vaqtda nishonlanadi.
