O‘zbek kinosining taniqli vakili, rejissyor va ssenariynavis Zulfiqor Musoqovga prezident sovg‘asi sifatida Yangi Toshkentdan uch xonali xonadon topshirildi.
Zulfiqor Musoqov “Abdullajon”, “Osmondagi bolalar”, “Kichkina tabib”, “Vatan” va “Novda” kabi filmlari orqali o‘zbek kinosida munosib o‘rin egallagan. Uning ijodida milliy ruh, hayotiy voqealar va inson taqdiriga doir mavzular alohida o‘rin tutadi.
Rejissyorning filmlari xalqaro kinofestivallarda ham e’tirof etilgan. 2007-yilda “Vatan” filmi Malayziyada o‘tkazilgan 50-Xalqaro kinofestivalda “Osiyoning eng yaxshi filmi” nominatsiyasiga da’vogarlik qilgan. 2011-yilda esa “Qo‘rg‘oshin” badiiy filmi Rossiyadagi “Kinoshok” xalqaro kinofestivalida “Eng yaxshi ssenariy” nominatsiyasi bo‘yicha sovrindor bo‘lgan.
Shuningdek, Zulfiqor Musoqovning milliy madaniyat va san’at rivojiga qo‘shgan hissasi davlat mukofotlari bilan ham e’tirof etilgan. U 2003-yilda “Mehnat shuhrati” ordeni, 2006-yilda “O‘zbekistonda xizmat ko‘rsatgan san’at arbobi” faxriy unvoni, 2023-yilda “Fidokorona xizmatlari uchun” ordeni va 2026-yil 28-mayda “El-yurt hurmati” ordeni bilan taqdirlangan.\ boshqacharoq sarlavha variantlari bering
