Selena Gomes va uning onasi Mendi Tifi asos solgan Wondermind startapi sud da’vosiga sabab bo‘ldi. Investorlar kompaniyaga qariyb 1,2 million dollar kiritganini, biroq ularga loyiha muvaffaqiyati haqida yolg‘on ma’lumot berilganini da’vo qilmoqda.
Investorlar ta’kidlashicha, va’da qilingan hamkorliklar amalga oshmagan, ilova esa umuman yaratilmagan. Kompaniya 2025-yilga kelib moliyaviy qiyinchiliklarga duch kelgan va xodimlar soni qariyb uchdan ikki qismga qisqargan.
Da’voda Selena Gomesning kompaniyadagi ishtiroki ham savol ostiga olingan. Investorlar uning marketing bo‘yicha rahbar sifatidagi roli haqida yetarlicha aniq ma’lumot berilmaganini aytmoqda.
Ma’lumot o‘rnida,Wondermind 2021-yilda ruhiy salomatlikni qo‘llab-quvvatlash platformasi sifatida ishga tushirilgan edi.
