Jenna Ortega faoliyatining ilk yillarida ishini mukammal bajarishga shunchalik e’tibor berganki, o‘z sog‘lig‘ini ikkinchi o‘ringa qo‘yganini tan oldi. Aktrisa bu haqda Esquire jurnaliga bergan intervyusida gapirdi.
Orteganing aytishicha, u suratga olish maydonida hech kimga noqulaylik tug‘dirmaslik uchun kun bo‘yi ovqatlanmay, hatto suv ham ichmay yurgan. U o‘sha paytda o‘zidan “mukammal” bo‘lishni talab qilganini va buni faoliyatidagi asosiy xatolaridan biri deb hisoblashini aytdi.
Aktrisaning bu so‘zlari muxlislar orasida xavotir uyg‘otdi. Ijtimoiy tarmoqlarda uning tashqi ko‘rinishi muhokama qilinib, Gollivuddagi sog‘lom bo‘lmagan go‘zallik standartlari haqidagi bahslar yana avj oldi. Ortega aktyorlik faoliyatini to‘qqiz yoshida boshlagan. 2022-yilda Tim Burtonning “Uenzdey” serialidagi bosh roli esa unga xalqaro mashhurlik olib kelgan
