Universal Pictures ma’lumotiga ko‘ra, “Odisseya” filmi jahon prokatida 1,1 milliard dollar ishlab, Kristofer Nolanning faoliyatidagi eng katta tijoriy muvaffaqiyatga aylandi. Film shu tariqa 2012-yildagi “Qora ritsar: Afsonaning qaytishi” filmining 1,085 milliard dollarlik rekordini yangiladi. “Odisseya” hozircha tarixdagi eng ko‘p daromad keltirgan R-reytingli filmlar orasida ikkinchi o‘rinda turibdi. Birinchi o‘rinda esa 1,33 milliard dollar bilan “Dedpul va Volverin”. Shuningdek, film 2026-yilda milliard dollarlik marrani zabt etgan beshinchi loyiha bo‘ldi.
17-iyul kuni premyerasi bo‘lgan “Odisseya” Gomerning mashhur dostoni asosida suratga olingan. Film Odisseyning Troya urushidan so‘ng uyiga qaytish yo‘lidagi uzoq va mashaqqatli safarini hikoya qiladi. Asosiy rollarda Mett Deymon, Tom Holland, Zendaya, Enn Xeteuey, Robert Pattinson va Sharliz Teron ishtirok etgan.
Kartina tanqidchilardan ham yuqori baho olib, Rotten Tomatoes’da 94 foiz ijobiy natija qayd etdi.
