Pol Uesli model Natali Kukenberg bilan nikohdan o‘tdi. “Vampirlar kundaligi” (The Vampire Diaries) seriali orqali mashhur bo‘lgan aktyor shaxsiy hayotidagi quvonchli voqeani muxlislariga ulashdi.
Natali Kukenberg to‘y suratlarini ijtimoiy tarmoqqa joylab, posti ostiga “Janob va xonim” (“Mr. & Mrs.”) deya izoh qoldirgan. Ularning nikohi munosabati bilan Polning “Vampirlar kundaligi” serialidagi hamkasbi Nina Dobrev ham juftlikni tabrikladi.
Pol Uesli va Natali Kukenberg 2022-yildan beri munosabatda bo‘lib, ular 2025-yilda unashtirilgan edi. Bu Natali uchun birinchi nikoh bo‘lsa, aktyor uchun uchinchi nikoh hisoblanadi. Avvalroq, Uesli aktrisa Torri DeVito bilan 2011–2013-yillarda, dizayner Ines de Ramon bilan esa 2019–2022-yillarda turmush qurgan.
